ता डिप्रेशन म्हंजे काय ओ!

 ता डिप्रेशन म्हंजे काय ओ?

गो ता म्हनतत ना माका कसातरीच होताहा

ताच डिप्रेशन. फकस्त आपल्याहारी काय असा ता कवा येता नी कवा जाता ताच आपनाक समजना नाय. तितको टायमच नसता.

ह्या बाकी बरोबर बोललास. हय थुकी गिळाक टाईम नसता तर डिप्रिशन कसला नी काय कसला. याक विजिक्शन घितला काय मह्यनोभर बरो जाता. 

ढोरांका गवातकाडी घालूक व्हयी,न्हानयेत आग घालुची लागता. ते कडकडीत पानयान न्हाला. पाटल्याहारच्या

जासनीची लालभडक फुला काडली,गंध उजळला नी देव धुवून तेंची पुजा केली काय कसलाच डिप्रीशन फिप्रीशन रव्हत नाय.

 मगे वाडग्यातसून उकड्या तांदळाची पेज खाली काय दोपारतागद बघाक नको तवसर  वाराचो दिस असल्यार गाबतीन मासे घिऊन येता. एकारदो तारलेचो,सुळ्यांचो वाटो घेयाचो नी लालभडक सार नी भात रांदूचो नी मस्तपैकी पॉटभर जेवायचा. मगे राखुंडीन भांडी खळखळीत घासली नी माडाच्या मुळात फडतरीर कपडे धुतले की सुस निजूचा.

 चारेक वाजता उठान खळो खळखळीत झाडूचो,वायच आरतेपरते झाडूचा. काय मगे चायचा पानी पिला काय जेवनाक लागलाव.  चार भाकरे थापले नी वालीची,पाल्याची भाजी केली नी घासघास खाल्ला काय भांड्यार हात मारुन वायच पान तोंडात टाकायचा नी  ढोरांका खानाबीना देऊन मगे गुठली मारुची गोडदेत. हाथराक येक गोडदी नी पांघराक येक गोडदी व्हयी मगे कसला डिप्रीशन नी कसला काय. 

इतका सगळा तुका कळता मा. मगे भांडतस कित्याक माज्यावांगडा? 

मगे कोनावांगडा भांडाक जाव? लोकांचे घोवांवांगडा? वायच आपलो टायमपास म्हनान भांडतय ओ नि तुमी काय कमी असास? आळशी असास पक्के.

कितीव काम केलय तरी तुज्या मनाक येना नाय नि तुका कमीच वाटता. 

दोन कामा सांगलय करुक तर इरडभर तीच करीत रव्हता. काय येता काय तुमका?

बरा बाय, माका काय्येक येत नाय. मग तर झाला. तुया सुगरण आसस ना. उद्याक पोळयेसाठी पीठ ठेव.

होय तर पोळये नी मटाण करुन घालतय तुमका. जावा आदी वाडो साफ करुन येवा नि थयच रव्हा नको चार नाल सोलून देवा पटकरून. 

------सौ.गीता गजानन गरुड.